დღეს ვესტმინსტერის სააბატოში მეცნიერის სტივენ უილიამ ჰოკინგის ფერფლის დაკრძალვის ცერემონია შედგა. რის შემდეგაც ფიზიკო-თეორეტიკოსის ხმის ჩანაწერი გაიგზავნება კოსმოსში შავი ხვრელის 1A 0620-00-ის მახლობლად.
მის ფერფლს დაკრძალავენ ორი უდიდესი მეცნიერის ისააკ ნიუტონისა და ჩარლზ დარვინის საფლავებს შორის. წერს „Cambridge News“.
ჰოკინგის ქალიშვილი ყვება, რომ სიგნალი მეცნიერის ხმით „გაგზავნილი იქნება უახლოესი შავი ხვრელის 1A 0620-00-ის მიმართულებით“.
ფიზიკოსის სიტყვებს მუსიკის თანხლებით გაუშვებენ, რომელიც სპეციალურად მისთვის დაიწერა. კოსმოსში კომპოზიციის ტრანსლაციის განახორციელებას ესპანეთში ევროპის კოსმოსური სააგენტოს გადამცემის დახმარებით გეგმავენ.
ცნობისთვის, ასტროფიზიკოსი სტივენ ჰოკინგი 14 მარტს, 76 წლის ასაკში გარდაიცვალა საკუთარ სახლში, კემბრიჯში. მისი პიროვნება არანაკლებ მნიშვნელოვანია ჩვენი ეპოქისთვის, ვიდრე მისი სამეცნიერო მიღწევები. აღნიშნავს გამოცემა.
