სომხეთის პრემიერ-მინისტრმა, ნიკოლ ფაშინიანმა ჟურნალისტებს განუცხადა, რომ რიგგარეშე საპარლამენტო არჩევნები შესაძლოა მიმდინარე წლის შემოდგომას ჩატარდეს. თუმცა მისივე თქმით, ეს თარიღი უნდა იქნას შეჯერებული სხვა პოლიტიკურ ძალებთან.
სომხეთში 13 აპრილის შემდეგ ტარდებოდა აქციები ოპზიციის მხრიდან. მონაწილეები არჩეული პრემიერ-მინისტრის გადადგომას ითხოვდნენ. მოგვიანებით სომხეთში ძალაში შევიდა კონსტიტუციის ცვლილება, რომლის მიხედვითაც ყველაზე დიდ უფლებამოსილებას ქვეყანაში გაატარებს პრემიერ-მინისტრი. პროტესტების ფონზე სარქსიანმა 23 აპრილს თანამდებობა დატოვა, ხოლო 8 მაისს პარლამენტმა აირჩია პრემიერის პოსტზე ოპოზიციონერი ლიდერი ნიკოლ ფაშინიანი.
"მე უკვე აღვნიშნე, რომ ჩემი აზრთ, შესაძლოა არჩევნები შემოდგომას ჩატარდეს. თუმცა ეს ჩვენი წარმოდგენაა. ჩვენ უნდა დავაყენოთ ეს საკითხი სხვა პოლიტიკური ძალებთან და ვიპოვოთ საერთო გამოსავალი“ - განაცხადა ფაშინიანმა.
მანამდე, მთავრობის მეთაურმა განაცხადა, რომ რიგგარეშე არჩევნები უნდა გაიმართოს საარჩევნო კოდექსში ცვლილებების შეტანის შემდეგ.