მიზეზები არ დაილევა, ვიღაც მივლინებაშია, ვიღაც საქეიფოდ არის, ვიღაც უქეიფოდ, - ამის შესახებ საპარლამენტო უმრავლესობის წევრმა ნუკრი ქანთარიამ სხდომის გადადებასთან დაკავშირებით განაცხადა.
მისი თქმით, უმრავლესობის სხდომა მომავალ კვირაში გაიმართება თუ შემოდგომაზე, მას ამის შესახებ ინფორმაცია არ აქვს.
"რაც უფრო გადაიდება, უფრო და უფრო გართულდება, რადგან პრობლემა არ უნდა დააძინო, პრობლემას უნდა უმკურნალო და გადაჭრა. ეს ელემენტალური ლოგიკაა", - განაცხადა ქანთარიამ.
მისი თქმით, ამ შეხვედრაზე ყველა უნდა მივიდეს რომ შედეგი დადგეს
„მიზეზები არ დაილევა, ვიღაც მივლინებაშია, ვიღაც საქეიფოდ არის, ვიღაც უქეიფოდ, როგორც ცნობილ ფილმშია. ვიღაც ავად არის და შეუძლოდაა, ასე სად წავალთ. ამიტომ, ერთი დღე უნდა დაინიშნოს და იმ დღეს ყველამ მაქსიმალური მობილიზაცია უნდა მოახდინოს იმისათვის, რომ უმრავლესობის ენერგია ამომრჩეველზე დავხარჯოთ. თუ ემოცია ვერ გადავდეთ და პრობლემებს საქმიანად არ მივუდექით, მაშინ სეირი იქნება და მხოლოდ თქვენთვის იქნება საინტერესო, შედეგის თვალსაზრისით კი დამაზიანებელი იქნება. ამ შეხვედრაზე ყველა უნდა მივიდეს რომ შედეგი დადგეს“, - აღნიშნა ქანთარიამ.
ცნობისთვის, პარლამენტის ვიცე-სპიკერის გია ვოლსკის ინფორმაციით, საპარლამენტო უმრავლესობის სხდომა სავარაუდოდ, მომავალ კვირაში გაიმართება.