საგარეო საქმეთა სამინისტრო, საელჩოები და მთავრობა გააკეთებს ყველაფერს, რათა დამნაშავეებმა პასუხი აგონ, – ამის შესახებ საქართველოს საგარეო საქმეთა მინისტრმა მიხეილ ჯანელიძემ წილკანში განაცხადა, სადაც არჩილ ტატუნაშვილის ოჯახს მიუსამძიმრა.
მისი თქმით, ეს არის ჩვენი კიდევ ერთი უდიდესი ტკივილი, რომელიც არის ოკუპაციის შედეგი.
„ეს არის ჩვენი კიდევ ერთი უდიდესი ტკივილი, რომელიც არის ოკუპაციის შედეგი. საგარეო საქმეთა სამინისტრო, ჩვენი საელჩოები და მთელი მთავრობა გააკეთებს ყველაფერს, რათა დამნაშავეებმა აგონ პასუხი, ასევე დასრულდეს ოკუპაცია და ასეთი ტკივილი აღარ მიადგეს საქართველოსა და ჩვენს ქვეყანას“, – განაცხადა მიხეილ ჯანელიძემ.
ცნობისთვის, არჩილ ტატუნაშვილის ცხედარი ოკუპირებული ცხინვალიდან 20 მარტს გადმოასვენეს.
არჩილ ტატუნაშვილს მუხათგვერდის ძმათა სასაფლაოზე სამხედრო პატივით 24 მარტს დაკრძალავენ.
