თბილისის საქალაქო სასამართლოში დღეს, პარლამენტის ყოფილ თავმჯდომარეს, ნინო ბურჯანაძეს გამოკითხავენ. ის ჩვენებას 7 ნოემბრის აქციის დარბევისა და „ტელეიმედში“ შეჭრის საქმეზე მისცემს.
აღნიშნული საქმის განხილვა რამდენიმე წელია მიმდინარეობს. სახელმწიფო ბრალდებამ ბრალი მიხეილ სააკაშვილს, გიგი უგულავას, ვანო მერაბიშვილს, დავით კეზერაშვილსა და ზურაბ ადეიშვილს წარუდგინა. მათ გამოძიება სამსახურეობრივი უფლებამოსილების გადამეტებას ედავება.
