დეკანოზ, გიორგი მამალაძის ადვოკატები დღეს 14:45 საათზე თბილისის სააპელაციო სასამართლოს კანცელარიაში შესაგებელს შეიტანენ პროკურატურის მოთხოვნაზე, დეკანოზისთვის ბრალის დამძიმებასთან დაკავშირებით.
აღნიშნული ინფორმაცია „ჯი-ეიჩ-ენს“ მამალაძის ადვოკატმა გიორგი ფანცულაიამ მიაწოდა.
„მოგეხსენებათ დაცვის მხარემ უზენაეს სასამართლოში, თბილისის სააპელაციო სასამართლოს გადაწყვეტილება გავასაჩივრეთ და მოვითხოვთ დეკანოზი უდანაშაულოდ იქნას ცნობილი, შორენა თეთრუაშვილის მკვლელობის მომზადების საქმეში. სააპელაციო სასამართლოს გადაწყვეტილება ბრალდების მხარემაც გაასაჩივრა. ისინი ბრალის დამძიმებას და მუხლის გადაკვალიფიცირებას ითხოვენ. შესაბამისად, დაცვის მხარეს დღეს უზენაეს სასამართლოში, შესარგებელი შეგვაქვს პროკურატურის საჩივარზე, თუ რატომ არ უნდა დამძიმდეს დეკანოზის ბრალი“ - განაცხადა გიორგი ფანცულაიამ.
ცნობისთვის, თბილისის სააპელაციო სასამართლომ დეკანოზ, გიორგი მამალაძის მიმართ, თბილისის საქალაქო სასამართლოს მიერ გამოტანილი გამამტყუნებელი განაჩენი ძალაში დატოვა. დეკანოზს 9 წლიანი თავისუფლების აღკვეთა აქვს მისჯილი.
