თარიღი    დრო

ბრიტანეთის საგარეო უწყების ვიდეოში, რომელიც რუსეთის ქმედებებს ეხება, საქართველოც მოხვდა

საქართველო, თბილისი - 18:32 03.14.2018 5955

დიდი ბრიტანეთის საგარეო საქმეთა სამინისტრომ რუსეთის აგრესიის ამსახველი ვიდეორგოლი გამოაქვეყნა, სადაც საქართველოც არის მოხსენიებული.

ვიდეო 2006 წელს მომხდარი, ალექსანდრ ლიტვინენკოს მკვლელობით იწყება, რის შემდეგადაც საქართველოს წინააღმდეგ, 2008 წელს განხორციელებული აგრესიაა ნაჩვენები.

საქართველოს შემდეგ, ვიდეოში ნაჩვენებია 2014 წელი რუსეთის მიერ ყირიმის ანექსია, რომელიც უკრაინას ეკუთვნის.

ბრიტანეთის საგარეო საქმეთა სამინისტროს მიერ გავრცელებულ ვიდეოში, ყირიმის ანექსიის შემდეგ ნაჩვენებია 2015 წელს რუსეთის მიერ გერმანიის პარლამენტსა და დანიის თავდაცვის და საგარეო საქმეთა სამინისტროზე მიტანილი კიბერიერიში, ასევე რუსეთის მიერ მონტენეგროს არჩევნებში ჩარევა და უკრაინის წინააღმდეგ განხორცილებული ჯაშუშური კამპანია.

ვიდეოს დასასრულს წერია, რომ ჩამოთვლილი ფაქტები ცხადყოფს იმას, რომ „კრემლს სურს საერთაშორისო სამართალზე დაფუძნებული სისტემის მოშლა“.

ცნობისთვის, დიდი ბრიტანეთი „სკრიპალის საქმესთან“ დაკავშირებით 23 რუს დიპლომატს გაიწვევს, ამის შესახებ განაცხადა პრემიერ-მინისტრმა ტერეზა მეიმ დღეს პარლამენტში სიტყვით გამოსვლისას.

ლონდონი შეაჩერებს ყველა ორმხრივ კონტაქტს რუსეთთან, ხოლო მაღალჩინოსნები და სამეფო ოჯახის წევრები არ დაესწრებიან რუსეთში ფეხბურთის მსოფლიო ჩემპიონატს.

შეგახსენებთ, სერგეი სკრიპალის და მისი ქალიშვილის მოწამვლის ფაქტი გასულ კვირას მოხდა. ორშაბათს ტერეზა მეიმ უკვე განაცხადა, რომ ინცინდენტში ჩართულია რუსეთი. მისი თქმით, სკრიპალზე იმოქმედეს ნერვო-პარალიზებული ნივთიერებით, რომელსაც რუსეთში აწარმოებენ.

 






konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

11:00 Bavaria-ს ლუდის ფესტივალი აფხაზეთის მთებიდან იწყება

09:30 ელა ფიცჯერალდის გარდაცვალებიდან 22 წელი გავიდა

20:22 Yanair-მა ჟიტომირი-ბათუმის მიმართულებაზე ავიაბილეთების გაყიდვა დაიწყო

10:16 იარე უფასოდ ტერაბანკის ველოსიპედით - ტერაბანკი საზაფხულო კამპანია ტერა ბაიკს იწყებს

16:48 Myway Airlines-ი ახალი მიმართულებების ათვისებას იწყებს, რაც ადგილობრივ ბაზარზე კონკურენციას ზრდის

16:32 15 ივნისამდე, ვითიბი ბანკი, თავის მომხმარებელს საკრედიტო ისტორიის გაუმჯობესებას სთავაზობს

12:42 თიბისი ბანკს ოპერაციების მართვის ახალი დირექტორი ჰყავს

12:40 CbondS -მა გალტ & თაგარტი საქართველოში 2018 წლის საუკეთესო საინვესტიციო ბანკად დაასახელა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.1%
შემცირდა 11.3%
არ შეცვლილა 2.7%