ამ წუთებში, თბილისის საქალაქო სასამართლოში, დავით როსტომაშვილის საქმის, ბრალდებულების პროცესზე ხმაურია. მოსამართლემ დარბაზი ყველას დაატოვებინა.
აღნიშნული გადაწყვეტილება მსჯავრდებულ ბექა კირვალიძის რეპლიკლას მოყვა, რომელმაც მოსამართლეს განაჩენის გამოცხადების შემდეგ უხეშად მიმართა. მოსამართლემ მას დარბაზი დაატოვებინა. რასაც დარბაზში მსჯავრდებულების ახლობლებისა და ოჯახის წევრების პროტესტი მოჰყვა.
ამ მომენტისთვის თბილისის საქალაქო სასამართლოსთან მანდატურებთან ერთან საპატრულო პოლიციის თანამშრომლებიც არიან მობილიზებული.
მსჯავრდებულების ოჯახის წევრები აცხადებენ, რომ მოსამართლემ არასამართლიანი გადაწყვეტილება მიიღო და უდანაშაულო ადამიანებს მიუსაჯა პატიმრობა.
შეგახსენებთ, რომ დავით როსტომაშვილზე თავდასხმის საქმეზე ბრალდებულები სასამართლომ პატიმრობაში დატოვა.
ზურაბ ქუთელიას 7 წლით, აგაჯანოვს 6 წლით, ხოლო ბექა კირვალიძეს 10 წლით თავისუფლების აღკვეთა მიესაჯა.
