ამ სისხლზე, რომელიც ახლა კიდევ დაიღვარა [არჩილ ტატუნაშვილის გარდაცვალება], თავიდან ბოლომდე პასუხისმგებლობა მიხეილ სააკაშვილს, "ნაციონალურ მოძრაობას" ეკისრება, - ამის შესახებ ახალგორის გამგებელმა ნუგზარ თინიკაშვილმა განაცხადა, რომელმაც ოკუპირებული ცხინვალის ციხეში გარდაცვლილ არჩილ ტატუნაშვილის ოჯახს მიუსამძიმრა.
მისი თქმით, მიხეილ სააკაშვილმა მოსახლეობასთან კითხვის დასმაც და ინფორმაციის მიწოდებაც არ იკადრა, ისე შექმნა სამხრეთ ოსეთის ავტონომიური რესპუბლიკა, მიაკუთვნა ახალგორი, რომელიც მცხეთა-მთიანეთს ეკუთვნოდა
„ეს არის კრიმინალების ბანდა, რომელიც მართავს იმ გარკვეულ ტერიტორიას, რომელიც დროებით არის წართმეული. ამ სისხლზე, რომელიც ახლა კიდევ დაიღვარა, თავიდან ბოლომდე პასუხისმგებლობა მიხეილ სააკაშვილს, "ნაციონალურ მოძრაობას" ეკისრება, რომელმაც მოსახლეობასთან კითხვის დასმაც და ინფორმაციის მიწოდებაც არ იკადრა, ისე შექმნა სამხრეთ ოსეთის ავტონომიური რესპუბლიკა, მიაკუთვნა ახალგორი, რომელიც მცხეთა-მთიანეთს ეკუთვნოდა", - ნუგზარ თინიკაშვილმა, რომელმაც აქვე აღნიშნა, არჩილ ტატუნაშვილის ცხედარი, ბოლო პირობის თანახმად, მცხეთის რაიონის სოფელ წილკანში, სავარაუდოდ, დღეს უნდა გადმოასვენონ.