უკრაინაში დონბასის სტატუსის შესახებ კანონი ძალაში შევიდა. დოკუმენტის თანახმად, რუსეთი „აგრესორი ქვეყანაა“, ხოლო დონეცკის და ლუგანსკის რეგიონები უკრაინის ტერიტორიას წარმოადგენს, რომელიც დროებით რუსეთის მიერაა ოკუპირებული.
დოკუმენტის ტექსტი გუშინ გამოქვეყნდა უკრაინის უმაღლესი რადას ოფიციალურ გამოცემაში - გაზეთ „Голос“-ში, რაც ნიშნავს, რომ დღეიდან უკვე კანონიერად ძალაშია - იუწყება „РИА Новости“.
შეგახსენებთ, რომ დონბასის სტატუსის დამადასტურებელ დოკუმენტს უკრაინის პრეზიდენტმა პეტრო პოროშენკომ ხელი 20 თებერვალს მოაწერა. რუსეთის ფედერაციის ხელისუფლება მიიჩნევს, რომ კანონი უშვებს, უფრო მეტიც, ის ხელს უწყობს უკრაინის ტერიტორიული მთლიანობის აღდგენისთვის ძალის გამოყენებას.