საქართველოში მცხოვრებმა 12 ათას 576 მოქალაქემ წერა-კითხვა არ იცის - ამის შესახებ ინფორმაციას "აჭარის ტელევიზია" ავრცელებს.
საქსტატის მონაცემებით, წერა-კითხვის არმცოდნეთაგან 9 ათას 517 ადამიანი სოფლად ცხოვრობს.
აღსანიშნავია, რომ 900 მოქალაქე 10-დან 20 წლამდე ასაკისაა.
როგორც საქსტატში ამბობენ, მონაცემები საგანგაშო არაა, რადგან 2002 წლის საყოველთაო აღწერის შემდეგ პროცესი გაუმჯობესებულია, თუმცა, როგორც არასამთავრობო ორგანიზაციები განმარტავენ, საქსტატის მონაცემებში მიუსაფარი ბავშვები ვერ მოხვდნენ და წერა-კითხვის არცოდნის პრობლემა იმ მოზარდებშიც არის, რომლებიც ქუჩაში მუშაობის პარალელურად სკოლაში მისვლას ახერხებენ, სწავლას კი ვერა.
ცნობისთვის, საბაზო განათლების მიღება ყველა მოქალაქისთვის სავალდებულოა. სახელმწიფოს ეს ვალდებულება კონსტიტუციით აქვს აღებული.