ჩვენთვის უსაფრთხოება არის მნიშვნელოვანი, მით უმეტეს, როცა საუბარია პატარებსა და ჩვენს შვილებზე, მომავალ თაობაზე, - ამის შესახებ დედაქალაქის მერმა კახა კალაძემ 56-ე საბავშვო ბაღში აღსაზღდელის გარდაცვალებასთან დაკავშირებით განაცხადა.
მისი თქმით, კატეგორიული მოთხოვნაა, რომ მშობლებმა წარმოადგინონ ცნობა ბავშვის ჯანმრთელობასთან და აცრებთან დაკავშირებით.
"რაც შეეხება შემოწმებას, ჩვენი კატეგორიული მოთხოვნაა, რომ მშობლებმა უნდა წარმოადგინონ ცნობა ბავშვის ჯანმრთელობასთან და აცრებთან დაკავშირებით. როდესაც ჩვენი მხრიდან იყო მოთხოვნა, ამან მშობლებში გარკვეული უკმაყოფილება გამოიწვია, თუმცა ჩვენ მოსვლის პირველივე დღიდან ვამბობთ, რომ ჩვენთვის უსაფრთხოება არის მნიშვნელოვანი, მითუმეტეს, როცა საუბარია პატარებსა და ჩვენს შვილებზე, მომავალ თაობაზე", - განაცხადა კალაძემ.
