გლდანის სასჯელაღსრულების მე-8 დაწესებულებაში დაჭრილი პატიმრის მდგომარეობა კრიტიკულია. აღნიშნულის შესახებ ინფორმაცია „ჯი-ეიჩ-ენს“ ღუდუშაურის კილინიკის კრიტიკული მედიცინის დეპარტამენტის ხელმძღვანელმა, ნიკოლოზ ქარცივაძემ მიაწოდა.
„პაციენტის მდგომარეობა კრიტიკულია, ინტენსიურ თერაპიაშია, ხელოვნურ სუნთქვაზე იმყოფება. თავის ტვინის ანოქსიური დაზიანება, თირკმლის უკმარისობა, სუნთქვის უკამრისობა აქვს. მაგისტრალური სისხლძარღვების დაზიანების გამო სისხლის ძალიან დიდი დანაკარგი იყო. აქედან გამომდინარეობს ყველა ის პრობლემა, რაც ახლა გვაქვს“, - აცხადებს „ჯი-ეიჩ-ენთან“ ნიკოლოზ ქარცივაძე.
შეგახსენებთ, რომ პატიმარი, ნიკოლოზ ჩოფიკაშვილი გლდანში, სასჯელაღსრულების მე-8 დაწესებულების საპირფარეოში 10 თებერვალს, ყელის არეში მიყენებული ჭრილობებით პატიმრებმა იპოვეს. ის ღუდუშაურის კლინიაკშია მოთავსებული.