2017 წლის მონაცემებით, სახელმწიფო ქონების სააგენტოს მართვის ქვეშ სახელმწიფოს წილობრივი მონაწილეობით დაფუძნებული 123 საწარმო იმყოფებოდა, საიდანაც 50-მდე საწარმო სამეწარმეო საქმიანობას ეწევა, დანარჩენი კი მიეკუთვნება არამომგებიან საწარმოთა რიცხვს.
უკანასკნელთან მიმართებაში სააგენტო მინიმიზაციის პოლიტიკას აგრძელებს.
კორუფციასთან ბრძოლის, სახელმწიფო დანახარჯების გამჭვირვალობისა და ანგარიშვალდებულების გაზრდის მიზნით 2017 წლის განმავლობაში ჩატარდა ტრენინგი, რომელსაც დაესწრო სახელმწიფოს წილობრივი მონაწილეობით მოქმედი 55-მდე საწარმოს თანამშრომელი.
საწარმოებს პროცესების მეტი გამჭვირვალობის მიზნით მსხვილ საწარმოებს დაევალათ წლიური ანგარიშის პროაქტიული გამოქვეყნება. 10-მდე საწარმომ უკვე გამოაქვეყნა საკუთარ ვებ-გვერდზე ფინანსური და არა ფინანსური ანგარიში, აუდიტორულ დასკვნასთან ერთად.
მინიმიზაციის მიმართულებით 2017 წლის განმავლობაში ჩატარებული სამუშაოების შედეგად სახელმწიფო საწარმოთა სიიდან ამოიშალა 22 საწარმო. აგრეთვე აღსანიშნავია, რომ წლის განმავლობაში საწარმოთა რიცხვს დაემატა 10 საწარმო. ~2017 წლის განმავლობაში განხორციელდა 1 სახელმწიფო წილობრივი მონაწილეობით შექმნილი საწარმოს პრივატიზება.