ესპანეთის პროკურატურამ კატალონიის ყოფილი ლიდერის, კარლეს პუჩდემონის კოპენჰაგენში ჩასვლის შემთხვევაში მისი დაპატიმრების ევროპული ორდერის გაცემა მოითხოვა.
პუჩდემონი ორშაბათს დანიის დედაქალაქის უნივერსიტეტში სტუდენტებისთვის ლექციის წაკითხვას გეგმავს.
ესპანეთის სასამართლომ ბრიუსელში მყოფი პუჩდემონისა და რამდენიმე მინისტრის დაკავების ორდერი 3 ნოემბერს გასცა. მათ ბრალად ამბოხის მოწყობა, თანამდებობის ბოროტად გამოყენება და სახელმწიფო ქონების გაფლანგვა ედებათ.
პუჩდემონი თავს ამ დრომდე ბელგიის დედაქალაქს აფარებს.
