გვინეის პოლიციამ თაღლითობაში ეჭვმიტანილი ექიმბაში დააკავა. როგორც ძიებით დადგინდა, ნა ფანტა კამარა უშვილო ქალებს უცნობი ფოთლებისა და ბალახების ნაყენს აძლევდა, რის შემდეგაც ქალებს მუცელი ებერებოდათ და ეგონათ, რომ დაფეხმძიმდნენ. ექიმბაშს ისინი ბავშვის ჩასასახი ნაყენისთვის 33 დოლარს უხდიდნენ, მაშინ, როდესაც ქვეყანაში საშუალო ხელფასი 48 დოლარია. თაღლითობის გზით ექიმბაში ყოველთვიურად ათასობით დოლარს გამოიმუშავებდა. ბოლოს მის მიერ მოტყუებული 200-მდე ქალი კონაკრის პოლიციის სამმართველოსთან შეიკრიბა და თაღლითი ექიმბაშის დაკავება მოითხოვა.