ჩეჩნეთში კიდევ ერთი ადამიანი, ამინა ავტურხანოვა გაუჩინარდა. ამის შესახებ ადვოკატი პიოტრ ზაიკინი იტყობინება. ავტუხანოვა ზემილხან ჯაბაევის ცოლია, რომელიც ჩეჩნეთში გასულ წელს დაიკარგა. უფლებადამცველები ვარაუდობენ, რომ ჯაბაევი და მასთან ერთად გაუჩინარებული კიდევ 26 ადამიანი მოკლეს. ქმრის დაკარგვის შემდეგ ავტურხანოვს უცნობი პირები ემუქრებოდნენ. ის პოლიციაშიც არაერთგზის დაიბარეს. „ნოვაია გაზეტა“ ვარაუდობს, რომ ახალგაზრდა ქალი ძალოვან სტრუქტურებს ჰყავს დაკავებული.
