საქართველოს სახელმწიფო დროშის დღესთან დაკავშირებით, პარლამენტის თავმჯდომარე ირაკლი კობახიძე დღეს საზეიმო მიღებას გამართავს.
ღონისძიება, რომელზეც საქართველოს ყველა მუნიციპალიტეტის გერბი,დროშა და თვითმმართველი ქალაქების სიმბოლოები გამოიფინება, თბილისში, პარლამენტის შენობის შოთა რუსთაველის სახელობის დარბაზში 14:00 საათზე გაიმართება.
პარლამენტის პრესსამსახურის ინფორმაციით, სტუმრებს საშუალება ექნებათ, დაათვალიერონ მსოფლიოს სხვადასხვა მუზეუმებიდან და ბიბლიოთეკებიდან მოპოვებული პორტოლანები (საზღვაო რუკები), რომლებზეც საქართველო ისტორიული ხუთჯვრიანი დროშითაა გამოსახული.
