თარიღი    დრო

იარაღი საბარგულის გარდა, ასფალტზე, გარდაცვლილის გვერდითაც იდო - გიორგი ბაშალეიშვილი

საქართველო, თბილისი - 11:00 01.12.2018 764

ამ წუთებში სასმაართლოს ჩვენებას ბუტა რობაქიძის მკვლელობაში მსჯავრდებული, იმჟამინდელი პატრულ-ინსპექტორი, გიორგი ბაშალეიშვილი აძლევს.

ის ჩვენებაში საუბრობს, რომ ჩხრეკისას დაკავებულებისთვის იარაღი არ აღმოუჩენია. იარაღის გავარდნიდან რაღაც დროის შემდეგ კი შემთხვევის ადგილზე იარაღი დაინახა.

"გარეგანი ჩხრეკისას იარაღი არ მინახავს მერე დავიწყე ხელბორკილების დადება, გადატენილი იარაღი გამივარდა... ძალიან ცუდად ვიყავი, მანქანაში ჩავჯექი, წყალიც მომიტანეს ბიჭებმა. ზურა მიქაძე მოვიდა, მე ვარ მე შემემთხვა ეს ამბავი მეთქი, ვუთხარი. როცა სისხლის გუბე დავინახე მის გვერდით იარაღი არ დამინახავს. როცა ნარკოლოგიურში უნდა გადაგვეყვანა მაშინ შევამჩნიე იარაღი. სროლიდან ალბათ 40 წუთი ან ერთი საათი იქნებოდა გასული. იარაღი BMW-ს საბარგულის გარდა, ასფალტზე, გარდაცვლილის გვერდითაც იდო", - განაცხადა ბაშალეიშვილმა.

"მითხრეს დამეწერა, თითქოს ორმხრივი სროლა იყო და ორმხრივი სროლის დროს დაიღუპა. ეს რეალობას არ შეესაბამებოდა" - განაცხადა ბაშალეიშვილმა. მისი განმარტებით, მან არასწორი ინფორმაცია იმის გამო დაწერა, რომ  შურისძიებასა და საპატრულოს იმიჯს მოერიდა. რაზეც ბუტა რობაქიძის მამამ, სოსო რობაქიძემ, მიმართა: "როდის უფრო ვიძიებდი შურს, როცა დამიზნებით ესროდი თუ როცა იტყოდი, რომ გაგივარდა? " ბაშალეიშვილის სიტყვებს დარბაზში ხმაური მოჰყვა, სოსო რობაქიძემ კი სხდომა დატოვა.

ბაშალეიშვილის თქმით, შემთხვევიდან მალე სამსახურიდან თავისივე განცხადებით წამოვიდა.

"2006 წელს გამომძიებელმა მითხრა, სიმართლე ვიცით და გვითხარიო, ვუთხარი, რომ ორმხრივი სროლა არ იყო და არც იარაღო ყოფილა, სიმართლე შურისძიებას ამცირებდა ასე ჩავთვალე და მეც მომეშვა. როცა პატაკი დავწერე შემთხვევა ახალი მომხდარი იყო და ვერ ვფიქრობდი კარგად", - განმარტა იმჟამინდელმა პატრულ-ინსპექტორმა.

შეგახსენებთ, ბუტა რობაქიძის მკვლელობის საქმეზე სამსახურებრივი უფლებამოსილების ბოროტად გამოყენებას შსს ყოფილ მაღალჩინოსნებს ედავებიან. აღნიშნულზე ბრალდებულია 5 პირი : გურამ დონაძე, ირაკლი ფირცხალავა, ზაზა ბაქრაძე, დავით იაშვილი და ზურა მიქაძეა ბრალდებული. 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.1%
შემცირდა 11.2%
არ შეცვლილა 2.7%