მიხეილ სააკაშვილი უკრაინის პრემიერ-მინისტრის პოსტის დასაკავებლად მზადაა. ამის შესახებ მან ადგილობრივ მედიას განუცხადა. სააკაშვილის თქმით, მას კონკრეტული გეგმა აქვს, რომელიც 70 დღეში უკრაინაში წარმატებული რეფორმების გატარებას ითვალისწინებს. პოსტის დაკავების შემთხვევაში სააკაშვილი სახელმწიფო აპარატის 2/3-ით შემცირებას გეგმავს.
სააკაშვილმა ასევე განაცხადა, პრემიერის პოსტიდან წასვლის შემდეგ ოდესის მერობა უნდა.
„თუ წარმატებული პრემიერი ვიქნები, მინდა შემდეგ ოდესის მერი გავხდე. არ ვხუმრობ, რადგანაც ძალიან მინდა ოდესა ფეხზე დავაყენო,“- განაცხადა სააკაშვილმა.
