ბოლო კვირის განმავლობაში მე კოლოსალური წნეხის ქვეშ ვიმყოფები, - ამის შესახებ უკრაინის გენერალურმა პროკურორმა, იური ლუცენკომ განაცხადა.
,,პროცესის პოლიტიზებით ახლა ამ საქმის დაშლას ცდილობენ. ბოლო კვირის განმავლობაში მე კოლოსალური წნეხის ქვეშ ვიმყოფები, რათა თვალი დავხუჭო იმაზე, რისი გაკეთების უფლებასაც სააკაშვილი საკუთარ თავს აძლევს“, - განაცხადა ლუცენკომ.
მისი თქმით, სამართალდამცველებს სააკაშვილის წინააღმდეგ საკმარისი მტკიცებულებები აქვთ.
მისი აზრით, სააკაშვილმა „წითელი ხაზი გადალახა“.
„მე დავიცავ ჩემს სახელმწიფოს იმ შემთხვევაშიც კი, თუ საუბარია სააკაშვილზე, რომელთანაც მე მრავალწლიანი საკმაოდ თბილი ურთიერთობა მაკავშირებს. მან წითელი ხაზი გადალახა. ვისაც უკრაინა უყვარს, არ აქვს უფლება იანუკოვიჩისგან ფული მიიღოს“, - დასძინა მან.
