თბილისის საქალაქო სასამართლოში ბუტა რობაქიძის მკვლელობის საქმის განხილვა რამდენიმე წუთის წინ დასრულდა.
როგორც საქმის პროკურორმა გიორგი ოსაძემ ჟურნალისტებს განუცხადა, დღეს დაიკითხა პატრულ-ინსპექტორი, რომელმაც ისაუბრა იმ გარემოებების შესახებ, რომელიც მას ახსოვდა.
„მან ასევე მიუთითა, რომ შემთხვევიდან გასულია საკმაოდ დიდი პერიოდი და განაცხადა, რომ იმ პერიოდში, როცა ეს შემთხვევა მოხდა სამსახური თვეების დაწყებული ჰქონდა და ეს იყო პირველი შემთხვევა, როცა გარდაცვლილთან ჰქონდა ურთიერთობა, აქედან გამომდინარე, მოწმემ აღწერა ის გარემოებები რაც მას ახსოვდა. რაც შეეხება წარდგენილ ვიდეოკადრებს, მან სასამართლოზე განაცხადა, რომ აღნიშნული კადრები პროცესზე მისვლამდე, ტელევიზიის საშუალებით ჰქონდა ნანახი, მაგრამ მსგავსი გარემოება მას არ ახსოვს. რაც შეეხება საკუთარი თავის ამოცნობას, მან განაცხადა, მგავს, მაგრამ ექსპერტი არ ვარ, კატეგორიულად ვერ ვადასტურებო. ამის მიზეზად მიუთითა ის, რომ კადრზე აღბეჭდილი გარემოებები დეტალურად არ ახსოვს“, - განაცხადა პროკურორმა, გიორგი ოსაძემ.
კითხვაზე, თავად რას ფიქრობს, იყო თუ არა აღბეჭდილ ვიდეოკადრებზე მოწმე კოტორაშვილი, პროკურორი პასუხობს, რომ ის კოტორაშვილია.
„ამასთან დაკავშირებით ექსპერტიზის დასკვნა არის გაცემული და ამ კადრებზე ბესიკ კოტორაშვილია“, - დასძინა პროკურორმა.
ცნობისთვის, საქმის შემდეგ განხილვაა 13 დეკემბერსაა ჩანიშნული.
