მედიაში გავრცელებულ ინფორმაციას, იმის შესახებ, რომ შესაძლოა სასტუმრო „ლეოგრანდის“ 5 თანამშრომელი, რომლებიც თურქეთის მოქალაქეები არიან, პასუხისგებაში მიეცენ, „ჯი-ეიჩ-ენთან“, სასტუმროს იურისტი, კახა წერეთელი ვერ ადასტურებს.
„ეს ინფორმაცია საიდან გავრცელდა არ ვიცი. ამ წუთისთვის „ლეოგრანდის“ თანამშრომლებს ბრალი წაყენებული არ აქვთ. სამომავლოდ რა შეიძლება მოხდეს, არ ვიცი“, - აცხადებს წერეთელი.
ადვოკატის განმარტებით, სასტუმროს თანამშრომელები გამოკითხვაზე ნებაყოფლობით ცხდადებიან.
„გიდასტურებთ იმ ფაქტს, რომ არიან მენეჯერები, რომლებიც საქართველოს მოაქალქეები არ არიან. ასევე გიდასტურებთ იმასაც, რომ ისინი გამოკითხვაზე ნებაყოფლობით ცხადდებიან. ბრალს რაც შეეხება, ამაზე პასუხს ვერ გაგცემთ, რადგან ეს ჩემთვის ცნობილი არ არის. ასევე ხანძრის დროს, ვინ სად იყო, პასუხის გაცემა გამიჭირდება, ნაწილი სასტუმროში იყო, ნაწილი ალბათ, არ იყო“, - აცხადებს წერეთელი.
შეგახსენებთ, რომ 25 ნოემბერს, სასტუმრო "ლეოგრანდში" გაჩენილ ხანძარს 11 ადამიანი ემსხვერპლა.
