წარმოდგენილი კანონპროექტით, იქნება გარემოს დაცვისა და სოფლის მეურნეობის სამინისტრო, - ამის შესახებ სოფლის მეურნეობის მინისტრი ლევან დავითაშვილმა მთავრობის დღევანდელი სხდომის დასრულების შემდეგ განაცხადა.
"გარემოს დაცვის სამინისტროს შეერთება არ ხდება სოფლის მეურნეობის სამინისტროსთან, არამედ გარემოს დაცვის სამინისტროსთან ერთიანდება სოფლის მეურნეობის სამინისტრო", - ამის შესახებ სოფლის მეურნეობის მინისტრმა ლევან დავითაშვილმა მთავრობის დღევანდელი სხდომის დასრულების შემდეგ განაცხადა.
დავითაშვილის განმარტებით, წარმოდგენილი კანონპროექტით, იქნება გარემოს დაცვისა და სოფლის მეურნეობის სამინისტრო და სათაურიც შესაბამისი ფორმითაა წარმოდგენილი.
რაც შეეხება თანხების ოპტიმიზაციას, ლევან დავითაშვილის განცხადებით, მთავრობის თვითმიზანი თანხების გამოთავისუფლება, ან ადამიანების სამსახურიდან გაშვება არ არის, თუმცა ოპტიმიზაცია კადრებისა და თანხების კუთხითაც მოხდება.
„თანხებთან დაკავშირებით, მინდა გითხრათ, ხშირ შემთხვევაში, გარკვეულწილად ეს ოპონენტების მხრიდან წამოწყებული სპეკულაციაა. პირველ რიგში, ამოცანაა ეფექტიანი მართვა და დასახულ მიზნის და ფუნქციებს, მიღწევა, რათა უფრო მეტი შედეგი გვქონდეს.
საბოლოოდ, ეფექტიანობა იზომება იმით თუ რა დანახარჯებით, რა რესურსებით რა შედეგს ვიღებთ. ამაზეა საუბარი და არა იმაზე, რომ ჩვენი თვითმიზანი იყოს ამ შემთხვევაში თანხების გამოთავისუფლება, ან ადამიანების სამსახურიდან გაშვება, თუმცა, ოპტიმიზაცია კადრების და თანხების კუთხითაც მოხდება, რადგან ორი ადმინისტრაცია ერთ სამინისტროს ვერ ეყოლება", - განაცხადა დავითაშვილმა და განმარტა, რომ ძირითადად საუბარია ადმინისტრაციული ბლოკების გაერთიანებაზე.
"მარტივია, რომ ეს ეკონომია და ეს ოპტიმიზაცია იარსებებს, თუმცა ფუნქციური მიმართულებები, პირიქით, გასაძლიერებელია ჩვენს ქვეყანაში, მათ შორის, გარემოს დაცვითი მიმართულებით, ტყის მენეჯმენტის მიმართულებით, ზედამხედველობის მიმართულებით და ა.შ. ასევე სოფლის მეურნეობის მიმართულებით. სოფლის მეურნეობის განვითარების ტემპი უნდა შევინარჩუნოთ და გავაძლიეროთ“, - აღნიშნა დავითაშვილმა.