„საკანონმდებლო ცვლილებების დასრულებას ჩვენ მზად დავხვდებით ოპტიმიზაციის გეგმით, რათა წარვდგეთ საზოგადოების წინაშე“, - ამის შესახებ სოფლის მეურნეობის მინისტრმა, ლევან დავითაშვილმა გარემოსა და ბუნებრივი რესურსების დაცვის სამინისტროს სოფლის მეურნეობის სამინისტროსთან გაერთიანების საკითხზე საუბრისას განაცხადა.
მინისტრის განმარტებით, ბუნებრივია, შემცირება იქნება, ამოცანაც სწორედ ის იყო, რომ მოხდეს ეკონომია და ნაკლები რესურსებით, უფრო ეფექტიანი მართვა გახდეს შესაძლებელი.
„თუ სიპები და აიპები იმ საქმეს ემსახურება, რაც გარემოს დაცვის და სოფლის მეურნეობის პოლიტიკის შესასრულებლად საჭიროა, ბუნებრივია, არ გაუქმდება.
პოლიტიკას იმპლემენტაციას სწორედ სიპები და აიპები უკეთებენ და რა თქმა უნდა, გარემოსდაცვითი პოლიტიკა არ უნდა შესუსტდეს“, - განაცხადა ლევან დავითაშვილმა.
შეგახსენებთ, გარემოსა დაცვის სამინისტრო სოფლის მეურნეობის სამინისტროს უერთდება, რომლის ხელმძღვანელი ლევან დავითაშვილი იქნება.