ცენტრალური საარჩევნო კომისიის თავმჯდომარის, თამარ ჟვანიას განცხადებით, უსაფრთხო საარჩევნო გარემოს ხელშეწყობის მიზნით, ცესკო-სა და საქართველოს შინაგან საქმეთა სამინისტროს შორის, გაფორმდა ურთიერთთანამშრომლობის მემორანდუმი. დოკუმენტზე ხელმომწერი მხარეები შეთანხმდნენ ერთობლივი ტრენინგებისა და სამუშაო შეხვედრების ორგანიზებაზე.
"ამასთან, ადმინისტრაციული რესურსების გამოყენების შესახებ ცესკო-ს, თავისუფალი და სამართლიანი არჩევნებისთვის უწყებათაშორის კომისიასა და მათ ადგილობრივ არასამთავრობო ორგანიზაციას შორის გაფორმდა მემორანდუმი.
ასევე, 2017 წელს, ცესკო-მ და სწავლების ცენტრმა, სხვადასხვა სამიზნე ჯგუფებისთვის განახორციელა ექვსი საგანმანათლებლო პროგრამა, რომელშიც მონაწილეობა მიიღო 8 000-ზე მეტმა პირმა. აღსანიშნავია, რომ საოლქო და საუბნო საარჩევნო კომისიებში დასაქმდნენ სასწავლო პროექტების „საარჩევნო ადმინისტრატორის კურსები“ და „საარჩევნო განვითარების სკოლა“ კურსდამთავრებულები, ისინი, ასევე, მოხალისეებად ჩაერთნენ ცესკო-ს ახალი ინიციატივის „ვესაუბრებით ამომრჩევლებს“ განხორციელებაში", - განაცხადა თამარ ჟვანიამ და დასძინა, რომ „იპოვე შენი თავი – იპოვე შენი უბანი“ ფარგლებში საქართველოს მასშტაბით 166 აქცია გაიმართა, მათ შორის 20 – თბილისში.