საღმრთლო ლიტურგიის დასრულების შემდეგ საქართველოს კათოლიკოს-პატრიარქმა ილია მეორემ მრევლს ტრადიციული ქადაგებით მიმართა და წმინდა მოციქულების - პეტრესა და პავლეს ხსენების დღე მიულოცა. უწმინდესმა ტაძარში მრევლთან და სასულიერო პირებთან ერთად, წმინდა პეტრე და პავლე მოციქულების ტროპარიც იგალობა.
ქადაგებისას უწმინდესმა წმინდა მოციქულების ღვაწლზე ისაუბრა და მრევლს მოუწოდა წმინდა პეტრე და პავლე მოციქულების ტროპარი სახლში, 3-ჯერ იგალობონ, რათა სახლში დღევანდელი დღის მადლი მიიტანონ.
უწმინდესის განმარტებით, ხვალ 12 მოციქულის ხსენების დღეს იგი საღმრთო ლიტურგიას სვეტიცხოველში აღავლენს.
