ვენეციის კომისიის დასკვნაში საარჩევნო სისტემაზე აღნიშნულია, რომ ვენეციის კომისია პროპორციული სისტემის შემოღებას 2020 წელს ისურვებდა და ამ სულისკვეთებას პირადად მეც ვიზიარებ, - ამის შესახებ საქართველოს პარლამენტის თავმჯდომარე ირაკლი კობახიძემ განაცხადა, რომელმაც ბრიფინგზე აღნიშნა, რომ საკანონმდებლო ორგანომ კონსტიტუციურ პროექტთან მიმართებაში ვენეციის კომისიის მხრიდან წინასწარი დასკვნა მიიღო.
მისი თქმით, ეს გახდა შეუძლებელი და ამაში ნეგატიური როლი ოპოზიციამ შეასრულა.
„მეც ვისურვებდი, რომ პროპორციული სისტემა შემოღებული ყოფილიყო 2020 წლის არჩევნებისთვის, თუმცა ეს გახდა შეუძლებელი და ამაში ნეგატიური როლი სამწუხაროდ, ოპოზიციამ შეასრულა. ვენეციიდან დაბრუნების შემდეგ, ოპოზიციას შევთავაზეთ, მათ მხარი დაეჭირათ საკონსტიტუციო ცვლილებებისთვის მაშინ, როცა ცვლილებებში ეწერა, რომ 2020 წლისთვის ამოქმედდებოდა პროპორციულია სისტემა, რაზეც უარი განაცხადეს და ამან შეუძლებელი გახადა 2020 წლისთვის პროპორციული სისტემის შემოღება“, - განაცხადა ირაკლი კობახიძემ.