კატალონიაში მადრიდის ქმედებებს აპროტესტებენ. მასშტაბური აქციები ბარსელონასა და რეგიონის სხვა ქალაქებშიც გაიმართა. აქციის მონაწილეებმა დამოუკიდებლობის რეფერენდუმის ორგანიზატიორთა დაკავებები გააპროტესტეს. ეს მას შემდეგ მოხდა, რაც ჟენერალიტეტის პრეზიდენტმა კარლეს პუჩდემონმა მადრიდი აგრესიაში დაადანაშაულა და კატალონიელებს ქუჩაში გამოსვლისკენ მოუწოდა. ესპანეთის შემადგენლობიდან გასვლის საკითხზე რეფერენდუმი კატალონიაში 1 ოქტომბერს უნდა ჩატარდეს, თუმცა ოფიციალური მადრიდი აცხადებს, რომ პლებისციტის ჩატარებას არ დაუშვებს.