მიხეილ სააკაშვილი უკრაინაში ვადამდელი არჩევნების ჩატარებას მოითხოვს. ამის შესახებ ოდესის ყოფილმა გუბერნატორმა უკრაინული ტელეკომპანია "ნიუს ვანისთვის" მიცემულ ინტარვიუში განაცხადა. კიდევ ერთი ინტერვიუ მან ტელეკომპანია „ზიკ ტივისაც“ მისცა. სააკაშვილმა ის რეგიონები დაასახელა, სადაც მოსახლეობასთან შეხვედრას გეგმავს. პირველ რიგში სააკშილი მომხრეებთან ერთად ჩერნიუცში გაემგზავრება, შემდეგი კი ხარკოვი და ოდესა იქნება. მიხეილ სააკაშვილმა კომენტარი იულია ტიმოშენკოსთან კოალიციის შექმნაზე გავრცელებული ცნობის შესახაებაც გააკეთა. მან კოალიციის შექმნის ფაქტი კატეგორიულად უარყო. სააკაშვილი ამბობს, რომ უკრაინაში ყველა ჯანსაღ პოლიტიკურ ძალასთან ითანამშრომლებს.
