ფონდი „ღია საზოგადოება-საქართველო“ ე.წ სოროსის ფონდების დახურვასთან დაკავშირებით განცხადებას ავრცელებს.
როგორც განცხადებაშია აღნიშნული, ისრაელში, უნგრეთსა და მაკედონიაში ე.წ სოროსის ფონდების დახურვასთან დაკავშირებით გავრცელებული ინფორმაცია სიმართლეს არ შეესაბამება.
"ბოლო პერიოდში გავრცელებული ინფორმაციის საპასუხოდ გვინდა განვაცხადოთ, რომ სიმართლეს არ შეესაბამება ინფორმაცია ე.წ სოროსის ფონდების დახურვასთან დაკავშირებით ისრაელში, უნგრეთსა და მაკედონიაში.
ფონდს არასოდეს ჰქონია ოფისი ისრაელში.
ღია საზოგადოების ფონდების ერთერთი სათავო ოფისი არის უნგრეთში, კერძოდ ბუდაპეშტში. უნგრეთის ხელისუფლების მხრიდან იყო მცდელობა, რომ დახურულიყო ცენტრალური ევროპის უნივერსიტეტი, თუმცა ამას საზოგადოების მწვავე რეაქცია და გამოსვლები მოჰყვა. შედეგად, უნივერსიტეტი დღესაც ფუნქციონირებს.
შეუფერხებლად აგრძელებს მუშაობას ღია საზოგადოების ფონდი მაკედონიაში და განაგრძობს ისეთი ინიციატივების დაფინანსებას, რომელიც ხელს უწყობს სამოქალაქო საზოგადოების გაძლიერებას და ქვეყნის ინტეგრაციას ევროპაში", - ნათქვამია განცხადებაში.