„დემოკრატიულმა მოძრაობამ“ და „თავისუფალმა საქართველომ“ თბილისის მერობისა და საკრებულოს თავმჯდომარეობის ერთიანი კანდიდატები დაასახელეს.
გაერთიანებული პარტიების მერობის კანდიდატი კახა კუკავა იქნება, საკრებულოს თავმჯდომარეობის კი დიმიტრი ლორთქიფანიძე.
პრესკონფერენცია რამდენიმე წუთის წინ ნინო ბურჯანაძემ ჩაატარა და განაცხადა, რომ გაერთიანებულმა პოლიტიკურმა ძალებმა პარტიული ინტერესები ერთიანობისთვის გადადეს უკან.
„ჩვენი ოპოზიციური ერთობისთვის კარი კვლავ ღიაა. ეს არ ეხება „ქართულ ოცნებას“ და „ნაციონალურ მოძრაობას“, - განაცხადა ბურჯანაძემ.
