ავღანელ ლტოლვილს, 106 წლის ბიბიალ უზბეკის, რომელიც მსოფლიოში ყველაზე ხანდაზმულ ლტოლვილად ითვლება, შვედეთმა თავშესაფარზე უარი უთხრა. ამის შესახებ ინტერნეტ-პორტალი Blankspot იტყობინება. მოხუცმა ქალბატონმა კუნდუზის პროვინცია 2015 წელს ქალიშვილთან ერთად დატოვა, მას შემდეგ, რაც კუნდუზი თალიბებმა დაიკავეს. თავიდან დედა-შვილი ხორვატიის ლტოლვილთა ბანაკში ცხოვრობდა, მოგვიანებით კი უხუცესი ლტოლვილი ოჯახთან ერთად შვედეთში მოხვდა. იმისათვის, რომ შვედეთამდე მიეღწია, 106 წლის უზბეკიმ რამდენიმე ქვეყანა გაიარა. ნათესავებს პერიოდულად მისი ზურგით ტარება უწევდათ.