ესპანეთში ტერაქტების შედეგად დაღუპულთა რაოდენობა არ გაზრდილა. ამის შესახებ სამოქალაქო თავდაცვის სამსახური იტყობინება. მანამდე გავრცელდა ინფორმაცია იმის შესახებ, რომ კამბრილსში დაჭრილი ერთი ადამიანი გარდაიცვალა. მასშტაბური ტერორისტული აქტი ბარსელონაში გუშინ განხორციელდა. მიკროავტობუსი ფეხით მოსიარულეებში შეიჭრა, რის შედეგადაც 13 ადამიანი დაიღუპა, 120-მდე კი დაშავდა. მოგვიანებით თავდასხმა მოხდა კატალონიის საკურორტო ქალაქ კამბრილსში. დაშავებულთა რაოდენობამ 7-ს მიაღწია.