ბორჯომში, პლატოს აღმართზე კვადროციკლის ამობრუნების შედეგად ორსული ქალი დაიღუპა. "ნეტგაზეთის" ინფორმაციით, დაღუპული ქალი ტურისტი იყო.
არსებული ინფორმაციით, კვადროციკლი, რომლითაც არაბი ტურისტების ოჯახი გადაადგილდებოდა, ე.წ. პლატოს აღმართზე ამობრუნდა, რის შედეგადაც ქალი დაიღუპა. გარდაცვლილის ქმარი, ბავშვები და მძღოლი მძიმედ დაშავდნენ. სასწრაფო-სამედიცინო დახმარების ჯგუფმა ისინი ბორჯომის საავადმყოფოში გადაიყვანა.
შინაგან საქმეთა სამინისტროც ცნობით, საქმეზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
