ერთი თეთრი არ მიგვიღია GEM Fest 2017-ის ფარგლებში, - ამის შესახებ ფესტივალის ორგანიზატორმა გიორგი სიგუამ ტელეკომპანია "იმედის" პირდაპირ ეთერში განაცხადა.
მისი შეფასებით, ფესტივალთან დაკავშირებით შექმნილ პრობლემებში ტურიზმის ადმინისტრაცია არაფერ შუაშია.
”[სახელმწიფოსგან] ერთი თეთრი არ მიგვიღია GEM Fest 2017-ის ფარგლებში. რამდენიმე არტისტს გადაუხადა სახელმწიფომ ფული ფესტივალზე გამოსასვლელად. ტურიზმის დეპარტამენტი არაფერ შუაშია. ბევრი ერთმანეთთან დაუკავშირებელი ამბის ერთმანეთთან დაკავშირება ხდება”, - განაცხადა სიგუამ, რომელმაც აქვე აღნიშნა, რომ საქართველოში ორ დღეში დაბრუნდება, რის შემდეგაც პრესკონფერენციას გამართავს.
ცნობისთვის, გავრცელებული ინფორმაციით, ტურიზმის ეროვნული ადმინისტრაციის ხელმძღვანელი, გიორგი ჩოგოვაძე თანამდებობას ტოვებს, თუმცა აღნიშნული ოფიციალურად ჯერ არ დასტურდება.
