ყველა სოციალურად დაუცველი დედაქალაქში, რომლის სარეიტინგო ქულა განსაზღვრულია 200 000 ქულამდე, თბილსიის მერიისგან დამატებით მიიღებს 50-ლარიან დახმარებას, - ამის შესახებ "ნაციონალური მოძრაობის" თბილისის მერობის კანდიდატმა ზალიკო უდუმაშვილმა პარტიის სამწლიანი საქმიანობის შემაჯამებელი შეხვედრისას განაცხადა.
მისი თქმით, ამ დახმარებას თბილისში 166 000 ოჯახი მიიღებს.
"სწორედ ეს არის ის რაოდენობა, რომელიც სოციალურ ბაზებში დაფიქსირებული არიან როგორც სოციალურად დაუცველები და მათი სარეიტინგო ქულები შეფასებულია 200 000 ქულამდე. ეს დახმარება იქნება დამატებითი დახმარება იმისგან დამოუკიდებლად, რასაც თქვენ უკვე იღებთ სახელმწიფოსგან“, - განაცხადა უდუმაშვილმა.
