"სითი პარკი" იყიდება და "ქართული ოცნება" ახალი სატრანსპორტო მონსტრის შექმნას ცდილობს, " - ამის შესახებ თბილისის მერობის დამოუკიდებელმა კანდიდატმა, ალექსანდრე ელისაშვილმა განაცხადა.

მისივე მტკიცებით, ამ წუთებშიც მიმდინარეობს მოლაპარაკება მილიონრებთან.

როგორც ელისაშვილი ამბობს, ამ მოლაპარაკების ერთ-ერთი მონაწილეა ბიზნესმენი ხვიჩა მაქაცარია.   „მაქაცარია აპირებს "სითი პარკს" ჯარიმის სახით 25 მილიონი გადაუხადოს და თავად შექმნას ახალი კომპანიას. თბილისის მერია კი ახალ კონტრაქტს უკვე მის კომპანიასთან გააფორმებს.„ქართული ოცნება“ ცდილობს, შექმნას ახალი სატრანსპორტო მონსტრი, ცდილობს, ბნელ და ძალიან საეჭვო გარიგებაზე წავიდეს. ამ წუთებშიც კი მიმდინარეობს მოლაპარაკება ყველა მთავრობასთან დაახლოებულ ბიზნესმენთან, ხვიჩა მაქაცარიასთან, რომელიც გახლავთ თბილისის „მიკრო ავტობუსის“ მფლობელი. მასთან მიმდინარეობს მოლაპარაკება, რომ „სითი პარკი“ ჩაანაცვლოს მისმა კომპანიამ“, - განაცხადა ელისაშვილმა.