საქართველოს მთავარი პროკურატურის განცხადებით, უკრაინული მხარისთვის ლეონიდ ჩერნოვეცკის გადაცემა ვერ მოხერხდება, რადგან იგი საქართველოს მოქალაქეა და კონსტიტუციის მიხედვით, საქართველოს მოქალაქის სხვა ქვეყნისთვის გადაცემა დაუშვებელია.
მათივე ინფორმაციით, ჩერნოვეცკის გადაცემის მოთხოვნა უკრაინული მხარისგან არ მიუღიათ.
„საქართველოს პროკურატურაში ლეონიდ ჩერნოვეცკის უკრაინული მხარისთვის გადაცემის მოთხოვნა არ შემოსულა. თუმცა ასეთი მოთხოვნის არსებობის შემთხვევაში ვერ მოხდება მისი გადაცემა რადგან იგი არის საქართველოს მოქალაქე და საქართველოს კონსტიტუციის მიხედვით საქართველოს მოქალაქის სხვა ქვეყნისთვის გადაცემა დაუშვებელია“,- აღნიშნულია პროკურატურის მიერ გავრცელებულ ინფორმაციაში.
ცნობისთვის, უკრაინის პროკურატურამ სასამართლოსგან ლეონიდ ჩერნოვეცკის დაკავების ნებართვა მიიღო.
გამოძიება ეხება კიევის გზაზე ვერტმფრენის დასაჯდომი მოედნის უკანონო მშენებლობის ფაქტს.
