საქართველოს პარლამენტის თავმჯდომარემ ”პატრიოტთა ალიანსის” წევრ, ადა მარშანიას რუსეთში ვიზიტის დეტალებზე საუბარი შეაწყვეტინა.
ადა მარშანია ბიუროს სხდომაზე რუსეთში შეხვედრების დეტალებზე საუბრობდა, რაზეც კობახიძემ განუცხადა, რომ პარტიული ვიზიტის შესახებ ანგარიშს ბიურო ვერ მოისმენს.
თუ გინდათ პარტიებთან საუბარი, შეგიძლიათ მოიწვიოთ და პარტიების წარმომადგენლებს ესაუბროთ. პარტიულ ბრიფინგებს არ უსმენენ ბიუროზე, არამედ საუბრობენ ბრიფინგებზე. კანონმდებლობით, პარტიული ვიზიტის შესახებ ანგარიშს ბიურო ვერ მოისმენს, იძულებული ვარ, დავასრულო ბიუროს სხდომა", - მიმართა კობახიძემ მარშანიას.
ადა მარშანიამ პასუხად აღნიშნა, რომ ვისაც მოსმენა არ სურდა, შეეძლო სხდომა დაეტოვებინა.
მას განცხადების გაკეთება ნახევრად ცარიელ დარბაზში მოუწია.