ე.წ ციანიდის საქმის პროკურორ ზვიად გუბელაძის განცხადებით, დაცვის მხარემ განმარტა, რომ მოახერხებს სრულიად საქართველოს კათოლიკოს-პატრიარქის დაცვის ყოფილი უფროსის სოსო ოხანაშვილის ჩამოყვანას საქართველოში და სასამართლოზე წარმოდგენას.
მისივე თქმით, იმ შემთხვევაში, თუ ვერ შეძლებენ მის ჩამოყვანას, უკვე მოხდება გამოძიების ეტაპზე მიცემული ჩვენების საჯაროდ წაკითხვა.
„მისი ოჯახის წევრებმა განგვიმარტეს, რომ ნამდვილად იმყოფება გერმანიაში, არ აპირებს საქართველოში ჩამოსვლას, მათ შორის ჩვენების მიცემას. დაცვის მხარემ განმარტა, რომ ისინი მოახერხებენ სოსო ოხანაშვილის ჩამოყვანას საქართველოში და სასამართლოზე წარმოდგენას. დაველოდებით დაცვის მხარეს. დღევანდელ სასამართლო პროცესზე მათ უნდა დაადასტურონ, შეძლებენ თუ არა ოხანაშვილის ჩამოყვანას. თუ ვერ შეძლებენ, ამ შემთხვევაში უკვე მოხდება გამოძიების ეტაპზე მიცემული ჩვენების საჯაროდ წაკითხვა“, - განაცხადა ზვიად გუბელაძემ.