თურქეთი კიდევ 3 აეროპორტის მშენებლობას გეგმავს. როგორც ქვეყნის ტრანსპორტისა და კავშირგაბმულობის მინისტრი ახმეტ არსლანი განმარტავს, მზადება უკვე დაწყებულია და მიმდინარე წლის ბოლომდე შესაბამისი ტენდერებიც გამოცხადდება.
უკვე ცნობილია, რომ ახალი აეროპორტები ქარამანის, იოზგათის, გუმუშჰანესა და ბაიბურთის პროვინციებში აიგება.
„ამ პროექტების წყალობით პირდაპირი რეისებით დაკავშირება ქვეყნის კიდევ 4 რეგიონთან მოხერხდება. ამიტომ 2017 წელს თავისუფლად შეგვიძლია ვუწოდოთ აეროპორტების წელი“, განაცხადა მინისტრმა.
მისივე თქმით, სამოქალაქო ავიაციის კუთხით თურქეთი რეგიონში ლიდერია.
„თუ კი ბოლო წლებში მსოფლიოში მგზავრთნაკადის ზრდა საშუალოდ 5,6%-ის დონეზე იყო, აღნიშნული მაჩვენებელი თურქეთში 14%-ს აღწევდა“, განმარტა მინისტრმა.
საგულისხმოა, რომ ბოლო 14 წლის განმავლობაში თურქეთში აეროპორტების რაოდენობა თიტქმის გაორმაგდა და 26-დან 55-მდე გაიზარდა.
