ძალიან სასიამოვნოა ის ფაქტი, რომ მსოფლიო ბრენდი ჩამოვიდა საქართველოში, რაც ნიშნავს დასაქმებულ ადამიანებს, ახალი სამუშაო ადგილების შექმნას, - ამის შესახებ ენერგეტიკის მინისტრმა, კახი კალაძემ სოფელ ნაბეღლავში ახალი უალკოჰოლო სასმელის საწარმოს გახსნაზე.
მისი თქმით, მთავრობის მხრიდან ყოველთვის იქნება ასეთი ინვესტიციების ხელშეწყობა.
„ამ პროექტში 20 მილიონზე მეტი ინვესტიცია იქნა განხორციებული. ძალიან სასიამოვნოა ის ფაქტი, რომ მსოფლიო ბრენდი ჩამოვიდა საქართველოში, რაც ნიშნავს დასაქმებულ ადამიანებს, ახალი სამუშაო ადგილების შექმნას და რა თქმა უნდა, ჩვენი ქვეყნის სახელის გატანას მსოფლიოს ქვეყნებში, სადაც ეს კომპანიები მოღვაწეობენ. მთავრობის მხრიდან ყოველთვის იქნება ასეთი ინვესტიციების ხელშეწყობა“, - განაცხადა კალაძემ.
ცნობისთვის, საქართველოს პრემიერ-მინისტრმა გიორგი კვირიკაშვილმა დღეს, გურიაში, სოფელ ნაბეღლავში უალკოჰოლო სასმელის საწარმო გახსნა. საწარმოს ქარხნის საინვესტიციო ღირებულება 40 მილიონი ევროა. პროექტი ავსტრიელ დ შვეიცარიელ პარტნიორებთან ერთად, ასევე EBRD-ის თანამონაწილეობით განხორციელდა.