დევნილთა და იძულებით გადაადგილებულ პირთა საკუთარ სახლებში დაბრუნების საკითხზე გადასვლისას, შეხვედრა დემონსტრაციულად დატოვა რუსეთის დელეგაციამ და მას გაჰყვნენ აფხაზები და ოსებიც“,- ამის შესახებ ჟენევიდან დაბრუნების შემდეგ, შერიგებისა და სამოქალქო თანასწორობის საკითხებში სახელმწიფო მინისტრის პირველმა მოადგილემ, პეტრე კანკავამ განაცხადა.
„კონსტრუქციული მოლაპარაკებები შედგა აფხაზურ, ოსურ და რუსულ მხარეებთან. დეტალურად განვიხილეთ ისეთი საკითხები, როგორიცაა გალში მცხოვრები ეთნიკური ქართველების უფლებების დარღვევა, მშობლიურ ენაზე განათლების მიღების შეზღუდვა, საუბარი იყო უკანონო დაკავებებზე. რა თქმა უნდა,შევეხეთ გიგა ოთხოზორიას მკვლელის საკითხს“,–განაცხადა კანკავამ.
მინისტრის მოადგილემ საქართველოს ტერიტორიული მთლიანობის მხარდაჭერისთვის პარტნიორ ქვეყნებს მადლობა გადაუხადა.
ჟენევაში საერთაშორისო მოლაპარაკებების რიგით მე-40 რაუნდი გაიმართა.
