არასამთავრობოები მიიჩნევენ, რომ პროპორციულ სისტემაზე გადასვლა 2020 წლის საპარლამენტო არჩევნებისთვის უნდა მოხდეს. ერთობლივი განცხადება „ახალგაზრდა იურისტთა ასოციაციამ“, „საერთშორისო გამჭვირვალობამ“ და „სამართლიანი არჩევნებმა“, რამდენიმე წუთის წინ გააკეთეს.
„მიუღებელია მმართველი გუნდის გადაწყვეტილება, რომ პროპორციულ სისტემაზე გადასვლა გადავადდეს. სრულიად გაუგებარია, რატომ ხდება ამ გადაწყვეტილების მიღება, იმ პირობებში როდესაც თვეების განმავლობაში მუშაობდა საკონსტიტუციო კომისია, იყო შექმნილი პროცესი და ახლა გამოდის, რომ ამ პროცესისთვის ხდება ხაზის გადასმა და ერთპარტიული გადაწყვეტილების მიღება და გაფორმება კონსტიტუციის სახით, რაც არ არის დემოკრატიული ნაბიჯი და ძალიან მნიშვნელოვანია, რომ ეს ნაბიჯი არ გადადგას მმართველმა ძალამ,“-განაცხადა ანა ნაცვლიშვილმა.
სამოქალაქო სექტორის წარმომადგენელთა განცხადებით, პროპორციულ საარჩევნო სისტემაზე გადასვლა აუცილებლად 2020 წლის საპარლამენტო არჩევნებისთვის უნდა მოხდეს. სამოქალაქო სექტორი სამომავლო გეგმებთან დაკავშირებით პოლიტიკურ პარტიებთან კონსულტაციებს აანონსებს.
