28 მაისს, 17:00 სთ-ზე, "თბილისის პირველობა აფროსნობაში-2017"-ის გამარჯვებულთა დაჯილდოება გაიმართება.
26 - 28 მაისს, თბილისის აფროსანთა კავშირის ორგანიზებით და ქალაქ თბილისის მერიის განათლების, სპორტისა და ახალგაზრდობის საქალაქო სამსახურის მხარდაჭერით ტარდება მოზარდთა შორის თბილისის პირველობა აფროსნობაში.
შეჯიბრი ოპტიმისტის საერთაშორისო და ლაზერის ოლიმპიურ კლასებში, თბილისის საიალქნო კლუბის ბაზაზე ეწყობა.
„თბილისის აფროსანთა კავშირი 2016 წელს დაფუძნდა და დედაქალაქის მასშტაბით საიალქნო სპორტის განვითარებასა და პოპულარიზაციას ისახავს მიზნად. ისეთ საზღვაო ქვეყანაში, როგორის საქართველოა განსაკუთრებით მნიშვნელოვანია სპორტის ამ სახეობის განვითარება", - განაცხადა თბილისის აფროსანთა კავშირის თანადამფუძნებელმა თემო გოცაძემ.