თურქეთში დაპატიმრების ბრძანება კიდევ 139 მაღალჩინოსანზე გაიცა. ბრალად მათ ფეთულა გიულენთან კავშირი დასდეს. განსასჯელთაგან 60 ანკარის საქალაქო საბჭოში მუშაობდა, 19 რეგიონალურ ადმინისტრაციებში მსახურობდა, დანარჩენები კი განათლებისა და ინფრასტრუქტურული განვითარების სამინისტროებში მაღალ თანამდებობებს იკავებდნენ. მასობრივი დაკავებები თურქეთში 15 ივლისის არშემდგარი სამხედრო გადატრიალების შემდეგ დაიწყო.
