ანკარამ ავსტრიასთან ნატოს თანამშრომლობა დაბლოკა. დოკუმენტს ვენასთან თანამშრომლობის გაღრმავების შესახებ თურქულმა მხარემ ვეტო დაადო. ანკარის ქმედების საპასუხოდ, ალიანსმა სახელმწიფოთა შორის თანამშრომლობის პროცედურა შეცვალა, რაც ნატოს წევრ ქვეყნებს ავსტრიასთან ორმხრივი თანამშრომლობის შესაძლებლობას მისცემს. ავსტრია ნატოს წევრი ქვეყანა არ არის, თუმცა ალიანსის სამსვიდობო ოპერაციებში აქტიურადაა ჩართული. ოფიციალური ანკარის განმარტებით, ვეტოს მიზეზი ავსტრიის მიერ ევროკავშირში თურქეთის გაწევრიანების შეფერხება გახდა.