უნგრეთის ხელისუფლება დარწმუნებულია, რომ ევროკავშირი ქვეყნისთვის სანქციების დაწესებას გეგმავს. საგანგებო განცხადებას პრემიერ ორბანის პრეს-სამსახური ავრცელებს. ბრიუსელსა და ბუდაპეშტს შორის ურთიერთობის დაძაბვის მიზეზი უნგრეთის მთავრობის საიმიგრაციო პოლიტიკა და სოროსის უნივერსიტეტის შესაძლო დახურვა გახდა. 2 დღის წინ ევროპარლამენტმა სპეციალური რეზოლუცია მიიღო. ევროპელმა კანონმდებლებმა უნგრეთში დემოკრატიისა და კანონის უზენაესობის კუთხით არსებული მდგომარეობის გამო შეშფოთება გამოთქვეს.