მეორე ეტაპზე განსაზღვრულია ის, რომ იქნება უზრუნველყოფილი დეპუტატების წარმომადგენლობა და ექსპერტები, - ამის შესახებ პარლამენტის თავმჯდომარე ირაკლი კობახიძემ განაცხადა.
მისი თქმით, საკონსტიტუციო ცვლილების განხილვის მეორე ეტაპი გაგრძელდება ისე, როგორც თავიდანვე დაგეგმილი იყო. მისივე განცხადებით სწორი იქნება განხილვები იმ ფორმატში გაგრძელდეს, როგორც უკვე დაიგეგმა.
„იყო, როგორც ვიცი, გარკვეული კომუნიკაცია პრეზიდენტის ადმინისტრაციის მხრიდან. ჩვენ გვქონდა პირველი ეტაპი საკონსტიტუციო განხილვის, რომელშიც მონაწილეობას ვიღებდი პირადად მე, ასევე სამ შეხვედრაში მონაწილეობდა პრეზიდენტი, რაც იყო აბსოლუტურად გონივრული ფორმატი.
რაც შეეხება მეორე ეტაპს, მეორე ეტაპზე განსაზღვრულია ის, რომ იქნება უზრუნველყოფილი დეპუტატების წარმომადგენლობა და ექსპერტები.
გამომდინარე იქიდან, რომ მე არ ვმონაწილეობ როგორც კომისიის თავმჯდომარე ამ ფორმატში, ალბათ სწორი იქნება იმ ფორმატში გაგრძელდეს განხილვები, როგორც უკვე დაიგეგმა.
ამის შემდეგ ჩვენ შეგვიძლია დავგეგმოთ სხვა ტიპის შეხვედრები, მათ შორის, იგივე აკადემიურ დაწესებულებებში და სხვა ინტერესთა ჯგუფებთან და იქ შეგვიძლია სხვაგვარი ფორმატი განვიხილოთ, თუმცა ამ ეტაპზე ისეთი სახით არის დაგეგმილი როგორც ის დაიწყო“,- განაცხადა კობახიძემ "საზოგადოებრივ მაუწყებელთან" საუბრისას.